Producimos a exposición Hamartia de Rita G. Rivera para a fundación DIDAC en Santiago de Compostela
Utilizamos papel museo mate e enmarcado en madeira natural con vidro.
23 maio, 2026 a 11 setembro, 2026 – FUNDACIÓN DIDAC Pérez Costanti, 12, bajo Santiago de Compostela
Hamartia explora a relación afectiva, simbólica e psicolóxica entre as persoas e o lugar que habitan – neste caso, a cidade de Ferrol – entendida non so como un espazo físico, senón coma un territorio emocional e onírico onde se entrelazan memoria, inconsciente e destino.
Rita Gutiérrez Rivera
Rita (1990, Ferrol) estudou Belas Artes entre a Universidade de Salamanca e a Universidade de Vigo, e completou a súa formación cun mestrado en Fotografía na Escola BlankPaper de Madrid, ademais de estudos de deseño en LCI e Elisava en Barcelona.
Como artista interdisciplinar traballa a través da fotografía, a cerámica, o deseño e a ilustración. A súa obra reflexiona sobre a paisaxe e a arquitectura como elementos de identidade, o paso do tempo e a memoria. Participou en diversas exposicións e publicou varios libros de fotografía e ilustración. Entre eles destacan Contrahistorias de Galicia, gañador do Premio Follas Novas ao Mellor Libro Ilustrado (2021), e o fotolibro El Gran Sol galardoado co Premio Iridiscente.
Actualmente vive en Marrocos, onde ten o seu estudio de arte, e a súa obra está representada por MCC Gallery en Marrakech.